“مفيش في الحب غصب، مع أن الحب غصب".

الجملة دي جاوبت على كل الحيرة والأسئلة اللي بنكون فيها لما بنحب شخص مش من نصيبنا، وبنعاند القدر علشان يكون معانا، وبنفوق على الواقع اللي كنا بنتهرب منه. مفيش حد هيعرف يغير نصيبه.

لو فكرنا ولو لثانية من غير مشاعرنا، هنعرف إنه مش منطقي نسأل: ليه متحبناش من الشخص ده؟ على الرغم من إننا ادينا كل الحب اللي في مقدرتنا، ولكن السؤال ده مبيكنش ليه إجابة ولا هيكون ليه. لو حد سألك: حبتني ليه؟ مش هتلاقي سبب ملموس. غصب عنك قلبك اختار إنك تحب وتتعلق وكمان متكرهوش مهما عمل.

الفكرة متكررة بشكل آخر، لأنك لو سألت: “ليه متحبنيش؟” مش هتلاقي إجابة. الحب مش غصب، مع إنك تحب غصب، وإنك متحبش غصب… هو مشاعر منقدرش نفرضها أو نخلقها في قلوبنا. يا تنور فجأة ومرة واحدة، يا تقعد سنين بتحاول في حاجة وإنت عارف إن نتيجتها الفشل. مفيش طرف غلط أو جبان، اللي حب مكنش بإرادته؛ هو شاف الشخص ده بقلبه، واللي محبش شافه بعينه فقط.”